Православные молитвы каноны

Канон покаянный ко Господу нашему Иисусу Христу

Глас 6

Песнь 1

Ирмо́с: Яко по су́ху пешеше́ствовав Изра́иль, по бе́здне стопа́ми, гони́теля фарао́на ви́дя потопля́ема, Богу побе́дную песнь пои́м, вопия́ше.

Припев: Поми́луй мя, Боже, поми́луй мя.

Ны́не приступи́х аз гре́шный и обремене́нный к Тебе, Влады́це и Богу моему́; не сме́ю же взира́ти на не́бо, то́кмо молю́ся, глаго́ля: даждь ми, Го́споди, ум, да пла́чуся дел моих горько.

Припев: Поми́луй мя, Боже, поми́луй мя.

О, го́ре мне гре́шному! Па́че всех челове́к окая́нен есмь, покая́ния несть во мне; даждь ми, Го́споди, сле́зы, да пла́чуся дел моих го́рько.

Сла́ва Отцу́ и Сы́ну и Свято́му Ду́ху.

Безу́мне, окая́нне челове́че, в ле́ности вре́мя губи́ши; помы́сли житие́ твое́, и обрати́ся ко Го́споду Богу, и пла́чися о де́лех твои́х го́рько.

И ны́не и при́сно и во ве́ки веко́в. Ами́нь.

Мати Божия Пречистая, воззри на мя грешного, и от сети диаволи избави мя, и на путь покаяния настави мя, да плачуся дел моих горько.

Песнь 3

Ирмо́с: Несть свят, я́коже Ты, Го́споди Бо́же мой, вознесы́й рог ве́рных Твои́х, Бла́же, и утверди́вый нас на ка́мени испове́дания Твоего́.

Поми́луй мя, Боже, поми́луй мя.

Внегда́ поста́влени бу́дут престо́ли на суди́щи стра́шнем, тогда всех челове́к дела́ облича́тся; го́ре та́мо будет гре́шным, в му́ку отсыла́емым; и то ве́дущи, душе́ моя, пока́йся от злых дел твои́х.

Поми́луй мя, Боже, поми́луй мя.

Пра́ведницы возра́дуются, а гре́шнии воспла́чутся, тогда́ никто́же возмо́жет помощи́ нам, но дела́ на́ша осу́дят нас; те́мже пре́жде конца́ пока́йся от злых дел твои́х.

Сла́ва Отцу́ и Сы́ну и Свято́му Ду́ху.

Увы́ мне великогре́шному, и́же де́лы и мы́сльми оскверни́вся, ни ка́пли слез име́ю от жестосе́рдия; ны́не возни́кни от земли́, душе́ моя, и пока́йся от злых дел твои́х.

И ны́не и при́сно и во ве́ки веко́в. Ами́нь.

Се, взыва́ет, Госпоже́, Сын Твой, и поуча́ет нас на до́брое, аз же гре́шный добра́ всегда́ бе́гаю; но Ты, Ми́лостивая, поми́луй мя, да пока́юся от злых мои́х дел.

Седа́лен, глас 6

Помышля́ю день стра́шный и пла́чуся дея́ний мои́х лука́вых: ка́ко отвеща́ю Безсме́ртному Царю́, или ко́им дерзнове́нием воззрю́ на Судию́, блу́дный аз? Благоутро́бный О́тче, Сыне Единоро́дный и Ду́ше Святы́й, поми́луй мя.

Сла́ва Отцу́ и Сы́ну и Свято́му Ду́ху. И ны́не и при́сно и во ве́ки веко́в. Ами́нь.

Богоро́дичен

Свя́зан мно́гими ны́не плени́цами грехо́в и содержи́мь лю́тыми страстьми́ и беда́ми, к Тебе прибега́ю, моему́ спасе́нию, и вопию́: помози́ ми, Де́во, Ма́ти Бо́жия.

Песнь 4

Ирмо́с: Христо́с моя си́ла, Бог и Госпо́дь, честна́я Це́рковь боголе́пно пое́т, взыва́ющи от смы́сла чи́ста, о Го́споде пра́зднующи.

Поми́луй мя, Боже, поми́луй мя.

Широ́к путь зде и уго́дный сла́сти твори́ти, но го́рько бу́дет в после́дний день, егда́ душа́ от те́ла разлуча́тися бу́дет: блюди́ся от сих, челове́че, Ца́рствия ра́ди Бо́жия.

Поми́луй мя, Боже, поми́луй мя.

Почто́ убо́гаго оби́диши, мзду нае́мничу уде́ржуеши, бра́та твоего́ не лю́биши, блуд и го́рдость го́ниши? Оста́ви у́бо сия́, душе́ моя, и пока́йся Ца́рствия ра́ди Бо́жия.

Сла́ва Отцу́ и Сы́ну и Свято́му Ду́ху.

О, безу́мный челове́че, доко́ле углеба́еши, яко пчела́, собира́ющи бога́тство твое́? Вско́ре бо поги́бнет, яко прах и пе́пел: но бо́лее взыщи́ Ца́рствия Бо́жия.

И ны́не и при́сно и во ве́ки веко́в. Ами́нь.

Госпоже́ Богоро́дице, поми́луй мя гре́шнаго, и в доброде́тели укрепи́, и соблюди́ мя, да на́глая смерть не похи́тит мя негото́ваго, и доведи́ мя, Де́во, Ца́рствия Бо́жия.

Песнь 5

Ирмо́с: Бо́жиим све́том Твои́м, Бла́же, у́тренюющих Ти ду́ши любо́вию озари́, молю́ся, Тя ве́дети, Сло́ве Бо́жий, и́стиннаго Бога, от мра́ка грехо́внаго взыва́юща.

Поми́луй мя, Боже, поми́луй мя.

Воспомяни́, окая́нный челове́че, ка́ко лжам, клевета́м, разбо́ю, не́мощем, лю́тым звере́м, грехо́в ра́ди порабоще́н еси́; душе́ моя́ гре́шная, того́ ли восхоте́ла еси́?

Поми́луй мя, Боже, поми́луй мя.

Трепе́щут ми у́ди, все́ми бо сотвори́х вину́: очи́ма взира́яй, уши́ма слы́шай, язы́ком зла́я глаго́ляй, всего́ себе́ гее́нне предая́й; душе́ моя гре́шная, сего́ ли восхоте́ла еси́?

Сла́ва Отцу́ и Сы́ну и Свято́му Ду́ху.

Блудника́ и разбо́йника ка́ющася прия́л еси́, Спа́се, аз же еди́н ле́ностию грехо́вною отягчи́хся и злым дело́м порабо́тихся, душе́ моя́ гре́шная, сего́ ли восхоте́ла еси́?

И ны́не и при́сно и во ве́ки веко́в. Ами́нь.

Ди́вная и ско́рая помо́щнице всем челове́ком, Ма́ти Бо́жия, помози́ мне недосто́йному, душа́ бо моя гре́шная того́ восхоте́.

Песнь 6

Ирмо́с: Жите́йское мо́ре, воздвиза́емое зря напа́стей бу́рею, к ти́хому приста́нищу Твоему́ прите́к, вопию́ Ти: возведи́ от тли живо́т мой, Многоми́лостиве.

Поми́луй мя, Боже, поми́луй мя.

Житие́ на земли́ блу́дно пожи́х и ду́шу во тьму́ преда́х, ны́не у́бо молю́ Тя, Ми́лостивый Влады́ко: свободи́ мя от рабо́ты сея́ вра́жия, и даждь ми ра́зум твори́ти во́лю Твою́.

Поми́луй мя, Боже, поми́луй мя.

Кто твори́т такова́я, я́коже аз? Якоже бо свиния́ лежи́т в калу́, та́ко и аз греху́ служу́. Но Ты, Го́споди, исто́ргни мя от гну́са сего́ и даждь ми се́рдце твори́ти за́поведи Твоя́.

Сла́ва Отцу́ и Сы́ну и Свято́му Ду́ху.

Воспряни́, окая́нный челове́че, к Богу, воспомяну́в своя́ согреше́ния, припа́дая ко Творцу́, слезя́ и стеня́; То́й же, я́ко милосе́рд, даст ти ум зна́ти во́лю Свою́.

И ны́не и при́сно и во ве́ки веко́в. Ами́нь.

Богоро́дице Де́во, от ви́димаго и неви́димаго зла сохрани́ мя, Пречи́стая, и приими́ моли́твы моя́, и донеси́ я́ Сы́ну Твоему́, да даст ми ум твори́ти во́лю Его́.

Конда́к

Душе́ моя, почто́ греха́ми богате́еши, почто́ во́лю диа́волю твори́ши, в чесо́м наде́жду полага́еши? Преста́ни от сих и обрати́ся к Богу с пла́чем, зову́щи: милосе́рде Го́споди, поми́луй мя гре́шнаго.

Икос

Помы́сли, душе́ моя, го́рький час сме́рти и стра́шный суд Творца́ твоего́ и Бога: а́нгели бо гро́знии по́ймут тя, душе́, и в ве́чный огнь введу́т: у́бо пре́жде сме́рти пока́йся, вопию́щи: Го́споди, поми́луй мя гре́шнаго.

Песнь 7

Ирмо́с: Росода́тельну у́бо пещь соде́ла а́нгел преподо́бным отроко́м, халде́и же опаля́ющее веле́ние Бо́жие, мучи́теля увеща́ вопи́ти: благослове́н еси́, Боже оте́ц на́ших.

Поми́луй мя, Боже, поми́луй мя.

Не наде́йся, душе́ моя, на тле́нное бога́тство и на непра́ведное собра́ние, вся бо сия́ не в́еси кому́ оста́виши, но возопи́й: поми́луй мя, Христе́ Боже, недосто́йнаго.

Поми́луй мя, Боже, поми́луй мя.

Не упова́й, душе́ моя, на теле́сное здра́вие и на скоромимоходя́щую красоту́, ви́диши бо, яко си́льнии и млади́и умира́ют; но возопи́й: поми́луй мя, Христе́ Боже, недосто́йнаго.

Сла́ва Отцу́ и Сы́ну и Свято́му Ду́ху.

Воспомяни́, душе́ моя, ве́чное житие́, Ца́рство Небе́сное, угото́ванное святы́м, и тьму кроме́шную и гнев Бо́жий злым, и возопи́й: поми́луй мя, Христе́ Боже, недосто́йнаго.

И ны́не и при́сно и во ве́ки веко́в. Ами́нь.

Припади́, душе́ моя, к Бо́жией Ма́тери и помоли́ся Той, есть бо ско́рая помо́щница ка́ющимся, умо́лит Сы́на Христа Бога, и поми́лует мя недосто́йнаго.

Песнь 8

Ирмо́с: Из пла́мене преподо́бным ро́су источи́л еси́ и пра́веднаго же́ртву водо́ю попали́л еси́: вся бо́ твори́ши, Христе́, то́кмо е́же хоте́ти. Тя превозно́сим во вся ве́ки.

Поми́луй мя, Боже, поми́луй мя.

Ка́ко не и́мам пла́катися, егда́ помышля́ю смерть, ви́дех бо во гро́бе лежа́ща бра́та моего́, безсла́вна и безобра́зна? Что у́бо ча́ю, и на что наде́юся? То́кмо даждь ми, Го́споди, пре́жде конца́ покая́ние. (Дважды)

Сла́ва Отцу́ и Сы́ну и Свято́му Ду́ху.

Ве́рую, яко прии́деши суди́ти живы́х и ме́ртвых, и вси во свое́м чи́ну ста́нут, ста́рии и млади́и, влады́ки и кня́зи, де́вы и свяще́нницы; где обря́щуся аз? Сего́ ра́ди вопию́: даждь ми, Го́споди, пре́жде конца́ покая́ние.

И ны́не и при́сно и во ве́ки веко́в. Ами́нь.

Пречи́стая Богоро́дице, приими́ недосто́йную моли́тву мою и сохрани́ мя от на́глыя сме́рти, и да́руй ми пре́жде конца́ покая́ние.

Песнь 9

Ирмо́с: Бога челове́ком невозмо́жно ви́дети, на Него́же не сме́ют чи́ни а́нгельстии взира́ти; Тобо́ю же, Всечи́стая, яви́ся челове́ком Сло́во Воплоще́нно, Его́же велича́юще, с небе́сными во́и Тя ублажа́ем.

Поми́луй мя, Боже, поми́луй мя.

Ны́не к вам прибега́ю, а́нгели, а́рхангели и вся Небе́сныя Си́лы, у Престо́ла Бо́жия стоя́щии, моли́теся ко Творцу́ своему́, да изба́вит ду́шу мою́ от му́ки ве́чныя.

Поми́луй мя, Боже, поми́луй мя.

Ны́не пла́чуся к вам, святи́и патриа́рси, ца́рие и проро́цы, апо́столи и святи́телие и вси избра́ннии Христо́вы: помози́те ми на суде́, да спасе́т ду́шу мою́ от си́лы вра́жия.

Сла́ва Отцу́ и Сы́ну и Свято́му Ду́ху.

Ны́не к вам воздежу́ ру́це, святи́и му́ченицы, пусты́нницы, де́вственницы, пра́ведницы и вси святи́и, моля́щиися ко Го́споду за весь мир, да поми́лует мя в час сме́рти моея́.

И ны́не и при́сно и во ве́ки веко́в. Ами́нь.

Ма́ти Божия, помози́ ми, на Тя си́льне наде́ющемуся, умоли́ Сына Своего́, да поста́вит мя недосто́йнаго одесну́ю Себе́, егда́ ся́дет судя́й живы́х и ме́ртвых, ами́нь.

Молитва

Го́споди Иису́се Христе́, Сы́не Бо́жий, поми́луй мя гре́шнаго.

Влады́ко Христе́ Бо́же, Иже страстьми́ Свои́ми стра́сти моя исцели́вый и я́звами Свои́ми я́звы моя уврачева́вый, да́руй мне, мно́го Тебе прегреши́вшему, сле́зы умиле́ния; сраствори́ моему́ те́лу от обоня́ния Животвор́щаго Те́ла Твоего́, и наслади́ ду́шу мою Твое́ю Честно́ю Кро́вию от го́рести, е́юже мя сопроти́вник напои́; возвы́си мой ум к Тебе́, до́лу пони́кший, и возведи́ от про́пасти поги́бели: яко не и́мам покая́ния, не и́мам умиле́ния, не и́мам слезы́ уте́шительныя, возводя́щия ча́да ко своему́ насле́дию. Омрачи́хся умо́м в жите́йских страсте́х, не могу́ воззре́ти к Тебе в боле́зни, не могу́ согре́тися слеза́ми, яже к Тебе любве́. Но, Влады́ко Го́споди Иису́се Христе́, сокро́вище благи́х, да́руй мне покая́ние всеце́лое и се́рдце люботру́дное во взыска́ние Твое́, да́руй мне благода́ть Твою и обнови́ во мне зра́ки Твоего́ о́браза. Оста́вих Тя, не оста́ви мене́; изы́ди на взыска́ние мое́, возведи́ к па́жити Твое́й и сопричти́ мя овца́м избра́ннаго Твоего́ ста́да, воспита́й мя с ни́ми от зла́ка Боже́ственных Твои́х Та́инств, моли́твами Пречи́стыя Твоея́ Ма́тере и всех святы́х Твои́х. Ами́нь.

Молитвы утренние

Начало

Востав от сна, прежде всякого другого дела, стань благоговейно, представляя себя пред Всевидящим Богом, и, совершая крестное знамение, произнеси:

Во и́мя Отцá, и Сы́на, и Святáго Ду́ха. Ами́нь.

Затем немного подожди, пока все чувства твои не придут в тишину и мысли твои не оставят все земное, и тогда произноси следующие молитвы, без поспешности и со вниманием сердечным:

Молитва мытаря

(Евангелие от Луки, глава 18, стих 13)

Бóже, ми́лостив бу́ди мне грéшному. (Поклон)

Молитва предначинательная

Гóсподи Иису́се Христé, Сы́не Бóжий, моли́тв рáди Пречи́стыя Твоея́ Мáтере и всех святы́х, поми́луй нас. Ами́нь.

Слáва Тебé, Бóже наш, слáва Тебé.

Молитва Святому Духу

Царю́ Небéсный, Утéшителю, Ду́ше и́стины, И́же вездé сый и вся исполня́яй, Сокрóвище благи́х и жи́зни Подáтелю, прииди́ и всели́ся в ны, и очи́сти ны от вся́кия сквéрны, и спаси́, Блáже, ду́ши нáша [1] .

Трисвятое

Святы́й Бóже, Святы́й Крéпкий, Святы́й Безсмéртный, поми́луй нас. (Читается трижды, с крестным знамением и поясным поклоном.)

Слáва Отцу́ и Сы́ну и Святóму Ду́ху, и ны́не и при́сно и во вéки векóв. Ами́нь.

Молитва ко Пресвятой Троице

Пресвятáя Трóице, поми́луй нас; Гóсподи, очи́сти грехи́ нáша; Влады́ко, прости́ беззакóния нáша; Святы́й, посети́ и исцели́ нéмощи нáша, и́мене Твоегó рáди.

Го́споди поми́луй (трижды).

Молитва Господня

Óтче наш, И́же еси́ на небесéх! Да святи́тся и́мя Твоé, да прии́дет Цáрствие Твоé, да бу́дет вóля Твоя́, я́ко на небеси́ и на земли́. Хлеб наш насу́щный дáждь нам днесь; и остáви нам дóлги нáша, я́коже и мы оставля́ем должникóм нáшим; и не введи́ нас во искушéние, но избáви нас от лукáваго.

Тропари Троичные

Востáвше от сна, припáдаем Ти, Блáже, и áнгельскую песнь вопиéм Ти, Си́льне: Свят, Свят, Свят еси́, Бóже, Богорóдицею поми́луй нас.

Слава: От одрá и сна воздви́гл мя еси́, Гóсподи, ум мой просвети́ и сéрдце, и устнé мои́ отвéрзи, во éже пéти Тя, Святáя Трóице: Свят, Свят, Свят еси́, Бóже, Богорóдицею поми́луй нас.

И ныне: Внезáпно Судия́ прии́дет, и коегóждо дея́ния обнажáтся, но стрáхом зовéм [3] в полу́нощи: Свят, Свят, Свят еси́, Бóже, Богорóдицею поми́луй нас.

Гóсподи поми́луй (12 раз).

[1] От Пасхи до Вознесения вместо этой молитвы читается тропарь: «Христóс воскрéсе из мéртвых, смéртию смерть попрáв, и су́щим во гробéх живóт даровáв» (Трижды).

От Вознесения до Троицы начинаем молитвы со «Святы́й Бóже. », опуская «Слáва Тебé, Бóже наш, слáва Тебé» и «Царю́ Небéсный́».

Это замечание относится и к молитвам на сон грядущим.

[2] Когда написано «Слáва:», «И ны́не:», надо читать полностью: «Слáва Отцу́ и Сы́ну и Свято́му Ду́ху», «И ны́не и при́сно и во вéки векóв. Ами́нь».

[3] В церковнославянском языке нет звука ё, а поэтому надо читать «зовéм», а не «зовём», «твоé», а не «твоё», «моé», а не «моё», и т. д.

Молитва ко Пресвятой Троице

От сна востáв, благодарю́ Тя, Святáя Трóице, я́ко мнóгия рáди Твоея́ блáгости и долготерпéния не прогнéвался еси́ на мя, лени́ваго и грéшнаго, нижé погуби́л мя еси́ со беззакóньми мои́ми; но человеколю́бствовал еси́ обы́чно и в нечáянии лежáщаго воздви́гл мя еси́, во éже у́треневати и славослóвити держáву Твою́. И ны́не просвети́ мои́ óчи мы́сленныя, отвéрзи моя́ устá поучáтися словесéм Твои́м, и разумéти зáповеди Твоя́, и твори́ти вóлю Твою́, и пéти Тя во исповéдании сердéчнем, и воспевáти всесвятоé и́мя Твоé, Отцá и Сы́на и Святáго Ду́ха, ны́не и при́сно и во вéки векóв. Ами́нь.

Прииди́те, поклони́мся Царéви нáшему Бо́гу. (Поклон) Прииди́те, поклони́мся и припадéм Христу́, Царéви нáшему Бóгу. (Поклон) Прииди́те, поклони́мся и припадéм Самому́ Христу́, Царéви и Бóгу нáшему. (Поклон)

Псалом 50

Символ веры

1 Вéрую во еди́наго Бóга Отцá, Вседержи́теля, 2 Творцá нéбу и земли́, ви́димым же всем и неви́димым. 3 И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век; Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша. Нас рáди человéк и нáшего рáди спасéния сшéдшаго с небéс и воплоти́вшагося от Ду́ха Свя́та и Мари́и Дéвы, и вочеловéчшася. 4 Распя́таго же за ны при Понти́йстем Пилáте, и страдáвша, и погребéнна. 5 И воскрéсшаго в трéтий день по Писáнием. 6 И возшéдшаго на небесá, и седя́ща одесну́ю Отцá. 7 И пáки гряду́щаго со слáвою суди́ти живы́м и мéртвым, Егóже Цáрствию не бу́дет концá. 8 И в Ду́ха Святáго, Гóспода, Животворя́щаго, И́же от Отцá исходя́щаго, И́же со Отцéм и Сы́ном спокланя́ема и сслáвима, глагóлавшаго прорóки. 9 Во еди́ну Святу́ю Собóрную и Апóстольскую Цéрковь. 10 Исповéдую еди́но крещéние во оставлéние грехóв. 11 Чáю воскресéния мéртвых, 12 и жи́зни бу́дущаго вéка. Ами́нь.

Молитва 1-я, святого Макария Великого

Бóже, очи́сти мя грéшнаго, я́ко николи́же сотвори́х благóе пред Тобою; но избáви мя от лукáваго, и да бу́дет во мне вóля Твоя́, да неосуждéнно отвéрзу устá моя́ недостóйная и восхвалю́ и́мя Твоé святóе, Отцá и Сы́на и Святáго Ду́ха, ны́не и при́сно и во вéки векóв. Ами́нь.

Молитва 2-я, того же святого

От сна востáв, полу́нощную песнь приношу́ Ти, Спáсе, и припáдая вопию́ Ти: не даждь ми усну́ти во грехо́вней смéрти, но ущéдри мя, распны́йся во́лею, и лежáщаго мя в лéности ускори́в возстáви, и спаси́ мя в предстоя́нии и моли́тве, и по сне нощнéм возсия́й ми день безгрéшен, Христé Бóже, и спаси́ мя.

Молитва 3-я, того же святого

К Тебé, Влады́ко Человеколю́бче, от сна востáв прибегáю, и на делá Твоя́ подвизáюся милосéрдием Твои́м, и молю́ся Тебé: помози́ ми на вся́кое врéмя, во вся́кой вéщи, и избáви мя от вся́кия мирски́я злы́я вéщи и диáвольскаго поспешéния, и спаси́ мя, и введи́ в Цáрство Твоé вéчное. Ты бо еси́ мой Сотвори́тель и вся́кому блáгу Промы́сленник и Подáтель, о Тебé же все уповáние моé, и Тебé слáву возсылáю, ны́не и при́сно и во вéки векóв. Ами́нь.

Молитва 4-я, того же святого

Гóсподи, И́же мнóгою Твоéю блáгостию и вели́кими щедрóтами Твои́ми дал еси́ мне, рабу́ Твоéму, мимошéдшее врéмя но́щи сея́ без напáсти прейти́ от вся́каго злá проти́вна; Ты Сам, Влады́ко, вся́ческих Твóрче, сподóби мя и́стинным Твои́м свéтом и просвещéнным сéрдцем твори́ти вóлю Твою́, ны́не и при́сно и во вéки векóв. Ами́нь.

Молитва 5-я, святого Василия Великого

Гóсподи Вседержи́телю, Бóже сил и вся́кия плóти, в вы́шних живы́й и на смирéнныя призирáяй, сердцá же и утрóбы испыту́яй и сокровéнная человéков я́ве предвéдый, Безначáльный и Присноу́щный Свéте, у Негó же несть пременéние, или́ преложéния осенéние; Сам, Безсмéртный Царю́, приими́ молéния нáша, я́же в настоя́щее врéмя, на мнóжество Твои́х щедрóт дерзáюще, от сквéрных к Тебé устéн твори́м, и остáви нам прегрешéния нáша, я́же дéлом, и слóвом, и мы́слию, вéдением, или невéдением согрешéнная нáми; и очи́сти ны от вся́кия сквéрны плóти и ду́ха. И дáруй нам бóдренным сéрдцем и трéзвенною мы́слию всю́ настоя́щаго жития́ нощь прейти́, ожидáющим пришéствия свéтлаго и явлéннаго дне Единорóднаго Твоегó Сы́на, Гóспода и Бóга и Спáса нáшего Иису́са Христá, в óньже со слáвою Судия́ всех прии́дет, кому́ждо отдáти по дéлом его; да не пáдше и облени́вшеся, но бóдрствующе и воздви́жени в дéлание обря́щемся готóви, в рáдость и Божéственный чертóг слáвы Егó совни́дем, идéже прáзднующих глас непрестáнный, и неизречéнная слáдость зря́щих Твоегó лицá добрóту неизречéнную. Ты бо еси́ и́стинный Свет, просвещáяй и освящáяй вся́ческая, и Тя поéт вся тварь во вéки векóв. Ами́нь.

Молитва 6-я, того же святого

Тя благослови́м, вы́шний Бóже и Гóсподи ми́лости, творя́щаго при́сно с нáми вели́кая же и неизслéдованная, слáвная же и ужáсная, и́хже несть числá, подáвшаго нам сон во упокоéние нéмощи нáшея, и ослаблéние трудóв многотру́дныя плóти. Благодари́м Тя, я́ко не погуби́л еси́ нас со беззакóньми нáшими, но человеколю́бствовал еси́ обы́чно, и в нечáянии лежáщия ны воздви́гл еси́, во éже славослóвити держáву Твою́. Тéмже мóлим безмéрную Твою́ блáгость, просвети́ нáша мы́сли, очесá, и ум наш от тя́жкаго сна лéности возстáви: отвéрзи нáша устá, и испóлни я Твоегó хвалéния, я́ко да возмóжем непоколéблемо пéти же и исповéдатися Тебé, во всех, и от всех слáвимому Бóгу, Безначáльному Отцу́ со Единорóдным Твои́м Сы́ном и Всесвяты́м и Благи́м и Животворя́щим Твои́м Ду́хом, ны́не и при́сно и во вéки векóв. Ами́нь.

Молитва 7-я, ко Пресвятой Богородице

Молитва 8-я, Господу нашему Иисусу Христу

Многоми́лостиве и Всеми́лостиве Бóже мой, Гóсподи Иису́се Христé, мнóгия рáди любвé сшел и воплоти́лся еси́, я́ко да спасéши всех. И пáки, Спáсе, спаси́ мя по благодáти, молю́ Тя; áще бо от дел спасéши мя, несть се благодáть и дар, но долг пáче. Ей, мнóгий в щедрóтах и неизречéнный в ми́лости! Вéруяй бо в Мя, рекл еси́, о Христé мой, жив бу́дет и не у́зрит смéрти во вéки. Áще у́бо вéра, я́же в Тя, спасáет отчáянныя, се вéрую, спаси́ мя, я́ко Бог мой еси́ Ты и Создáтель. Вéра же вмéсто дел да вмени́тся мне, Бóже мой, не обря́щеши бо дел отню́д оправдáющих мя. Но та вéра моя́ да довлéет вмéсто всех, та да отвещáет, та да оправди́т мя, та да покáжет мя причáстника слáвы Твоея́ вéчныя. Да не у́бо похи́тит мя сатанá, и похвáлится, Слóве, éже оттóргнути мя от Твоея́ руки́ и огрáды; но или́ хощу́, спаси́ мя, или́ не хощу́, Христé Спáсе мой, предвари́ скóро, скóро, погибóх: Ты бо еси́ Бог мой от чрéва мáтере моея́. Сподóби мя, Гóсподи, ны́не возлюби́ти Тя, я́коже возлюби́х иногдá той сáмый грех; и пáки порабóтати Тебé без лéности тóщно, я́коже порабóтах прéжде сатанé льсти́вому. Наипáче же порабóтаю Тебé, Гóсподу и Бóгу моему́ Иису́су Христу́, во вся дни животá моегó, ны́не и при́сно и во вéки векóв, ами́нь.

Молитва 9-я, к Ангелу Хранителю

Святы́й Áнгеле, предстоя́й окая́нной моéй души́ и стрáстной моéй жи́зни, не остáви менé грéшнаго, нижé отступи́ от менé за невоздержáние моé. Не даждь мéста лукáвому дéмону обладáти мнóю, наси́льством смéртнаго сегó телесé; укрепи́ бéдствующую и худу́ю мою́ ру́ку и настáви мя на путь спасéния. Ей, святы́й Áнгеле Бóжий, храни́телю и покрови́телю окая́нныя моея́ души́ и тéла, вся мне прости́, ели́кими тя оскорби́х во вся дни животá моегó, и áще что согреши́х в прешéдшую нощь сию́, покры́й мя в настоя́щий день, и сохрани́ мя от вся́каго искушéния проти́внаго, да ни в кóем гресé прогнéваю Бóга, и моли́ся за мя ко Гóсподу, да утверди́т мя в стрáсе Своéм, и достóйна покáжет мя раба Своея́ блáгости. Ами́нь.

Молитва 10-я, ко Пресвятой Богородице

Пресвятáя Влады́чице моя́ Богорóдице, святы́ми Твои́ми и всеси́льными мольбáми отжени́ от менé смирéннаго и окая́ннаго рабá Твоегó уны́ние, забвéние, неразу́мие, нерадéние, и вся сквéрная, лукáвая и ху́льная помышлéния от окая́ннаго моегó сéрдца и от помрачéннаго умá моегó; и погаси́ плáмень страстéй мои́х, я́ко нищ есмь и окая́нен. И избáви мя от мнóгих и лю́тых воспоминáний и предприя́тий и от всех дéйств злых свободи́ мя. Я́ко благословéна еси́ от всех родóв, и слáвится пречестнóе и́мя Твоé во вéки векóв. Ами́нь.

Молитвенное призывание святого, имя которого носишь

Моли́ Бóга о мне, святы́й угóдниче Бóжий (имя), я́ко аз усéрдно к тебé прибегáю, скóрому помóщнику и моли́твеннику о душé моéй.

Песнь Пресвятой Богородице

Богорóдице Дéво, рáдуйся, Благодáтная Мари́е, Госпóдь с Тобóю; благословéна Ты в женáх и благословéн плод чрéва Твоегó, я́ко Спáса родилá еси́ душ нáших.

Тропарь Кресту и молитва за Отечество

Спаси́, Гóсподи, лю́ди Твоя́, и благослови́ достояние Твоé, побéды правослáвным христиáном на сопроти́вныя дáруя, и Твоé сохраняя Крестóм Твои́м жи́тельство.

Молитва о Живых

Спаси́, Гóсподи, и поми́луй отцá моего́ духо́внаго (имя), роди́телей мои́х (имена), срóдников (имена), начáльников, настáвников, благодéтелей (имена их) и всех правослáвных христиáн.

Молитва о усопших

Упокóй, Гóсподи, ду́ши усóпших раб Твои́х: роди́телей мои́х, срóдников, благодéтелей (имена их), и всех правослáвных христиáн, и прости́ им вся согрешéния вóльная и невóльная, и дáруй им Цáрствие Небéсное.

Окончание молитв

Достóйно есть я́ко вои́стинну блажи́ти Тя Богорóдицу, Присноблажéнную и Пренепорóчную и Мáтерь Бóга нáшего. Честнéйшую Херуви́м и славнéйшую без сравнéния Серафи́м, без истлéния Бóга Слóва рóждшую, су́щую Богорóдицу Тя величáем [1] .

Гóсподи поми́луй (трижды).

Гóсподи Иису́се Христé, Сы́не Бóжий, моли́тв рáди Пречи́стыя Твоея́ Мáтере, преподóбных и богонóсных отéц нáших и всех святы́х поми́луй нас. Ами́нь.

[1] В дни двунадесятых праздников до их отдания вместо этой молитвы читаются особые задостойники.

Это замечание относится и к молитвам на сон грядущим.

Молитвослов

Что такое молитва?

«Молитва есть восхождение ума и сердца к Богу» преподобный Нил Синайский

«Во время молитвы мы беседуем с Богом» святитель Иоанн Златоуст

«Молитва есть величайший, бесценный дар Творца твари, человеку, который чрез нее может беседовать с Творцом своим, как чадо с Отцом, изливать пред Ним чувства удивления, славословия и благодарения» праведный Иоанн Кронштадтский

Зачем нужна молитва?

Для соединения человека с Богом.

«Надлежит молиться, чтобы еще на земле приять Духа Божия» преподобный Макарий Великий

«Молитва, по качеству своему, есть пребывание и соединение человека с Богом».

«Основание молитвы – стремление образа к Первообразу, как подобного к подобному» праведный Иоанн Кронштадтский

Чем христианская молитва отличается от молитв иных религий?

Действием Божественной благодати, Святого Духа.

«Конечно, всякая добродетель, творимая ради Христа, дает благодать Духа Святаго, но более всего дает молитва, потому что она как всегда в руках наших как орудие для стяжания благодати Духа» преподобный Серафим Саровский

Потому, что так угодно Богу. Свидетельства о многочисленных случаях помощи святых проходят через всю историю Церкви. Если было это не угодно было Богу, то Он не давал бы им такое служение.

Если живые могут просить молитв друг у друга, то что нам мешает призывать праведников, чья святость засвидетельствована Церковью, в сомолитвенники к Богу? Неужели с потерей тела люди автоматически теряют любовь и сострадание?

«Наши молитвы ко Пресвятой Богородице и святым в конечном итоге все обращены ко Христу».

Как надо молиться?

От чистого и искреннего сердца, со смирением и усердием, без гнева и памятозлобия, без тщеславия и не напоказ, на всяком месте (Тим. 2:8) и во всякое время (Еф.6:18).

«Бог не требует от молящегося красоты речи и искусного сложения слов, но душевной теплоты и усердия» свт. Тихон Задонский

Мы идём в гору. Царствие Божие на горе. Остановиться – покатиться назад. Этот духовный закон в полном объёме касается молитвы.
прот. Валентин Свенцицкий

Какую заповедь исполняет человек молитвой?

Первую заповедь: “Возлюби Господа Бога твоего всем сердцем твоим, и всею душею твоею, и всею крепостию твоею, и всем разумением твоим” (Лк. 10:27) .

«Степень любви нашей к Богу мы усматриваем с особенной ясностью при молитве, которая служит выражением этой любви и очень правильно названа в отеческих писаниях зеркалом духовного преуспеяния. Молитва есть по преимуществу исполнение первой и главнейшей заповеди». свт. Игнатий (Брянчанинов)

О чем просить Бога в молитвах?

В первую очередь о том, что необходимо для спасения души в вечности, предоставляя все прочее воле Божьей.

«Молись, во-первых, об очищении от страстей; во-вторых, об избавлении от неведения и, в-третьих, о спасении от всякого искушения и оставления». преподобный Нил Синайский

«Всё то, чем живет человек, — все заботы, все скорби наши и страдания, наши нужды, даже самые малые, — составляют нашу духовную жизнь, ибо все наши переживания, все наши нужды кладут отпечаток на жизнь нашего духа. А если так, то они и в очах Божиих важны, ибо цель жизни каждого человека состоит в том, чтобы стать чистым, святым.

Оттого всегда просите Бога обо всем, что вам надо, не смущаясь мыслью, что недостойно Его воссылать молитвы о повседневных своих нуждах. Как малые дети, простирайте к Богу руки, всегда просите обо всем без смущения, просите то, что нужно вам: с детским доверием, ожидая помощи во всем, что не противно воле Божией».
свт. Лука (Войно-Ясенецкий)

В чем заключается истинная молитва?

В обращении к Богу ума и сердца.

«Истинная молитва состоит не в словах и произнесении их, но истинная молитва состоит «в духе и истине» (Ин.4:23) . Когда молимся Богу, должно пред Ним стоять не только телом, но и духом; и молитву произносить не только устами, но и умом, и сердцем; и не только голову и колени преклонять, но и сердце наше пред Ним; и к Нему умные очи наши возводить со смирением. Ибо всякая молитва должна исходить из сердца; и что язык глаголет, ум и сердце должны глаголать».
святитель Тихон Задонский

Когда находит скорбь, отец Никон учил читать молитву: «Слава тебе, Боже мой, за посланную скорбь! Достойное по делам моим приемлю. Помяни мя во Царствии Твоем. Да будет во всем святая воля Твоя!»
преподобный Никон Оптинский

Самое популярное

• Молитвы на сон грядущим с толкованием – 4.3 млн.
• Молитвы ко Пресвятой Богородице – 2.4 млн.
• Молитвы о детях и крестниках – 2.2 млн.
• Отче наш. Молитва Господня – 2.1 млн.
• Молитвы утренние с толкованием – 1.7 млн.
• Последование ко Святому Причащению – 1.4 млн.
• Молитва последних Оптинских старцев – 1.3 млн.
• Канон покаянный ко Господу нашему Иисусу Христу – 1.2 млн.
• Молитвы утренние (без толкований) – 1.2 млн.
• Главная – 1 млн.

Сейчас в разделе: чел.

Всего записей: 430

• Основные молитвы
• ●Толковые молитвословы
• ●Главные молитвы
• ●Молитвы в продолжение дня
• ●Псалтирь
• ●Ко Святому Причащению
• ● Великого поста и Пасхи
• ●Ангелам
• ●Ко святым
• ●Тропари, кондаки и величания
• ●Каноны
• ●Акафисты
• О Молитве
• ●Учитесь молиться
• ●Статьи и книги о молитве
• ●О молитвенном правиле
• ●Исихазм (Иисусова молитва)
• ●Медитация и молитва
• ●О поклонах
• ●Ребёнок и молитва
• ●Тест: О молитве
• ●Тесты: Значение слов

• Молитвы на разные случаи жизни
• ●О вере
• ●О болящих
• ●Брак, семья, дети
• ●В памятные даты
• ●О путешествующих
• ●О даровании молитвы
• ●О стяжании добродетелей
• ●Об избавлении от страстей
• ●В скорбях и искушениях
• ●Смерть и поминовение
• ●Молитвы разные
• ●О благоденствии
• ●О воинах
• ●О мире
• ●Перед иконами Богородицы
• ●О монашеской жизни
• ●О земледелии и промысле
• ●Редкие молитвы
• ●Апокрифические молитвы
• ●На английском и греческом

Толковые молитвословы

Главные молитвы

Молитвы в продолжение дня

Псалтирь

Каноны и молитвы для подготовки к Таинствам Исповеди и Святого Причастия

Молитвы Великого поста и Пасхи

МОЛИТВЫ НА РАЗНЫЕ СЛУЧАИ ЖИЗНИ

Брак, семья, дети

Молитвы в скорбях и искушениях творимые
( с м . скорби, искушение)

Молитвы о болящих
( с м . болезнь)

Молитвы о путешествующих

О даровании угодной Богу молитвы

Молитвы ко Пресвятой Богородице

Молитвы о вере

Молитвы в памятные даты

Молитвы о стяжании добродетелей
( с м . добродетель)

Молитвы об избавлении от страстей
( с м . страсть)

Молитвы о мире

Молитвы о благоденствии

Молитвы об успешном земледелии и промысле

О монашеской жизни

Молитвы о воинах

Смерть и поминовение усопших

Молитвы

Об усопших детях

Псалтирь по усопшим

О самоубийцах

Каноны

Молитвы разные

Каноны
( с м . канон):

• Сборник канонов (292 канона)
• Канонник

Акафисты
( с м . акафист):

• Сборник акафистов (546 акафистов)
• Аудиозаписи акафистов
• Акафист Пресвятой Богородице с комментариями
• Акафист Иисусу Сладчайшему
• Акафист Слава Богу за всё

Молитвы Ангелам
( с м . ангелы):

Молитвы ко святым
( с м . святые):

Тропари, кондаки и величания
( с м . тропарь, кондак, величание):

Редкие молитвы

Апокрифические молитвы

Молитвы на английском и греческом языках

Молитвы на английском языке

Молитвы на греческом языке

Православный календарь

Какие бывают виды молитвы?

Молитвословия условно можно разделить на просительные, благодарственные, покаянные и славословия.

Чем отличается молитва от заговора?

Молитва – это обращение к Богу, а заговор – обращение к падшим духам.

Плоды молитвы.

Исполнение евангельских заповедей и приобретение христианских добродетелей.

«Плоды искренней молитвы: простота, любовь, смиренномудрие, терпение, незлобие и тому подобное. Все это и прежде вечных плодов произращает здесь плод в жизни старательного» святитель Григорий Нисский

«Плоды истинной молитвы: светлый мир души, соединенный с тихой, молчаливой радостью, чуждой мечтательности, самомнения и разгоряченных порывов и движений; любовь к ближним, не отделяющая для любви добрых от злых. но ходатайствующая обо всех пред Богом, как о себе». епископ Игнатий (Брянчанинов)

В чём причины рассеянности и искушений в молитве?

Действие падших духов и падшего человеческого естества. Противление этому называется духовной борьбой.

«Итак, прилежный к молитве должен просить ее и знать, что в столь важном деле он со многим старанием и усилием должен выдержать тяжкую борьбу, поскольку с особенной силой нападает на них дух злобы, стремясь ниспровергнуть наше старание. Отсюда ослабление тела и души, изнеженность, беззаботность, нерадение и все прочее, что губит душу, терзаемую по частям и предающуюся врагу своему. Итак, нужно, чтобы душою управлял разум, как мудрый кормчий, указывая прямой путь к горней пристани и предавая душу неповрежденной вверившему ее Богу»
святитель Григорий Нисский

Для чего нужны иконы?

Иконы – это средство для восхождения ума к небесному и очищения от суетных образов.

Можно ли молиться своими словами?

Нужно! Одно не исключает другого, более того, и молитвословия, составленные святыми, могут претворяться в свои собственные.

«Навыкаем мы молиться по молитвенникам, – молясь посредством готовых молитв, переданных нам Господом и святыми отцами, преуспевшими в молитве. Но на этом одном останавливаться не должно; надо далее простиратся и, навыкнувши умом и сердцем обращаться к Богу с стороннею помощию, надо делать опыты возношения к Нему – и своего собственнаго, доходить до того, чтоб душа сама своею, так сказать, речью вступала в молитвенную беседу с Богом, сама возносилась к Нему, и Ему себя открывала и исповедывала, что есть в ней и чего желательно ей.

Ибо как из сосуда – переполненного – сама собою изливается вода; так из сердца, посредством молитвословий исполнившегося святых чувств, сама собою начнет исторгаться своя к Богу молитва»
св. Феофан Затворник

Когда молитва может быть не исполнена?

Когда просимое будет неполезно или несвоевременно.

«Уста могут просить всего, но Бог исполняет только то, что полезно. Господь – премудрый Раздаятель. Он заботится о пользе просящего и, если видит, что просимое вредно или, по крайней мере, бесполезно ему,- не исполняет просимого и отказывает в мнимом благодеянии. Он выслушивает всякую молитву, и тот, чья молитва не исполняется, получает от Господа столь же спасительный дар, как и тот, чья молитва бывает исполнена. Поэтому будь уверен, что всякое прошение, которое не бывает исполнено, несомненно, вредно, а то прошение, которое услышано,- полезно. Дарующий праведен и благ и не оставит твоих прошений неисполненными, потому что в благости Его нет злобы и в правде Его – зависти. Если Он медлит с исполнением, то не потому, что раскаивается в обетовании, напротив. Он хочет видеть твое терпение».
преподобный Ефрем Сирин

«Прежде всего надо знать, что не всего, чего хотим, позволительно нам просить и что не во всяком случае мы умеем просить полезного. С великой осмотрительностью должно делать прошения, сообразуя их с волей Божией. А неуслышанным надо знать, что необходимо или терпение, или усиление молитвы». святитель Василий Великий

«Иногда немедленно бывает услышано наше прошение, иногда же, по словам Спасителя, Бог долготерпит о нас, то есть не скоро исполняет просимое нами: Он видит, что нужно остановить на время это исполнение для нашего смирения. Когда прошение твое не будет исполнено Богом, покорись благоговейно воле Всесвятого Бога, Который по неведомым причинам оставил твое прошение неисполненным». епископ Игнатий (Брянчанинов)

Согласно Евангелию, одним из условий услышанности молитвы является примирение с ближними. В Евангелии говорится: «если ты принесешь дар твой к жертвеннику и там вспомнишь, что брат твой имеет что-нибудь против тебя, оставь там дар твой пред жертвенником, и пойди прежде примирись с братом твоим, и тогда приди и принеси дар твой» (Мф.5:23-24).

Молитва и Священное Писание

Православное богослужение, как церковное, так и домашнее, основано на Священном Писании. Без его знания многое будет непонятно даже при переводе на современный язык.